Ratiba hii hapa ya Idd Mosi... Mashauzi, Dar Modern...

ISHA RAMADHANI, MKURUGENZI WA MASHAUZI CLASSIC.

Mashauzi classic modern taarab baada ya kukomba tuzo za kili 2015 wanatalajia kuwaonyesha kazi iliowafanya watwae tuzo hizo wakazi wa Bagamoyo na vitongoji vyake siku ya Idd Mosi.
Show hiyo kali itafanyika katika ukumbi wa Mageti mia.

Akiongea na mtandao huu wa taarabuzetu.blogspot.com meneja wa bendi hiyo Bw Suma Raga amesema Mashauzi hawajaribu wanafanya.

******************************************

Kushoto Hassan Vocha Msanii wa Dar Modern.

Katika kusherekea sikukuu ya idd On Point Solutions Limited wakishilikiana na Dar modern taarab watafanya onyesho maalum siku hiyo katika ukumbi wa LEKAM PUB Buguruni.
Si ya kukosa.

Hamis Slim wa G5 Modern Taarab atangaza nia...!!!

Mkurugenzi wa G5 Modern Taarab Mr. Hamis Slim

Mkurugenzi wa bendi ya Taarab ya G5 Modern Taarab Mr. Hamis Slim, ametangaza rasmi nia yake ya kuwatumikia wananchi wa Mtoni kwa Azizi Ally.

Hamis alijieleza mwenyewe katika maelezo haya hapa:-

Assalaam aleyko watanzania wenzangu hususani wanamtoni wenzangu, tumshukuru mungu kwa kutufikisha tena salama ktk mwezi huu mtukufu wa ramadhani mwezi ambao unatufanya tumrudie mola wetu kwa kutimiza zile nguzo tano za kiislam.

Pamoja na hayo pia mwaka huu ni mwaka wa uchaguzi basi itakuwa si vibaya mimi km kijana imara niliyelelewa madhubuti na Chama Cha Mapinduzi kutangaza nia yangu ya kutaka kugombea nafasi ya Udiwani ktk kata yangu ya Mtoni.

Mimi kijana mwenzenu Hamis Slim wakati ukifika nitachukua fomu ya kuwania nafasi hiyo ya udiwani wa kata ya Mtoni kwa minajali ya kuleta maendeleo muonekano na si maendeleo simulizi, shime vijana wenzangu tuamke sasa tuungane mkono kulikomboa taifa letu kwa mawazo chanya kwa pamoja tunaweza.

Nitaomba nafasi baada ya kutafakari takribani miaka mitano na kuona fursa nyingi tulizonazo ktk kata ya Mtoni kushindwa kutumiwa kwa maslahi na manufaa ya wananchi wa mtoni
Badala yake kutumiwa na watu wengine wa nje ya mtoni.

Changamoto hizi ndizo zilizonilpelekea kuwa na maamuzi ya kugombea kwa ajili ya kuleta Mabadiliko mapya, Fikra mpya, Ubunifu mpya, Uongozi mpya na kuondoa uongozi ulio na mawazo mgando.

Kwakuwa uwezo ninao sababu ninazo nia ya kugombea ninayo kwa pamoja na wanamtoni wenzangu tutashinda na kuibadili na kuivusha kata ya mtoni pale ilipofikishwa hakika SLIM ndio chaguo lako (HAMIS SLIM HAKIKA ATATUFIKISHA)
Bwana Hamis alipoulizwa kuhusu kugombea Ubunge alisema:-

Naamini kila mtu anatamani kugombea nafasi hiyo ya Ubunge, ni nafsi kubwa sana ambayo nitafanya hivyo baada ya kuwatumikia kwanza wananchi wenzangu na kuona uwezo wangu katika utendaji kazi, nataka wananchi wenyewe waje kusema kama nafaa. Najiamini ipo siku nitakuwa pale Bungeni kutetea na kuleta maendeleo ya wananchi wangu, watanzania wenzangu.

Taarabuzetu.blogspot.com inakutakia kila la kheri Bwan Hamis Slim.

Onyesho maalum la Coast Nite (Kosa Uchekwe)

Mkurugenzi wa On Point Solution Bw. Bahati.

Mkurugenzi wa On Point Solutions Limited Bw Bahati Singh amewataka wapenzi na mashabiki wa mziki wa enzi hizo kukaa tayari kwa onyesho maalum la COAST NITE (kosa uchekwe).

Bwana Bahati amesema onyesho hilo linatalajiwa kufanyika mwezi ujao Jumamosi ya tar 1 katika ufukwe wa Escape one mikocheni jijini Dar es Salaam.

Akiongea na mtandao huu Bw Bahati amesema usiku huo maalum utasindikizwa na THEM MUSHROOMS BEND toka jijini nairobi nchini kenya na THE EAST AFRICAN MELODY na DAR MODERN TAARA Za hapa nyumbani tanzania.

Bw Bahati ameongeza kwa kusema hii si ya kukosa "KOSA UCHEKWE"

Dar Modern kutoa nyimbo Sita...

Baadhi ya wasanii wa Dar Modern

Dar Modern Taarab wako katika maandalizi ya nyimbo mpya.

Akiongea na mtandao huu mkurugenzi wa mziki wa bendi hiyo Bw Mlamal Adam amesema kwa sasa wanajianda na nyimbo mpya sita. "Tupo kwenye maandalizi ya kutoa nyimbo sita ambapo zitakuwa tiyari mtazipata hapa www.taarabuzetu.blogspot.com

Majazi Modern Taarab inakuja kuwashika...

Mwimbaji wa Majaz Modern Taarab Mrisho Rajab

Mkurugenzi wa Majazi Modern Taarab Bw Majaliwa amewataka wapenzi na mashabiki wa bendi hiyo kukaa mkao wa kula kwa ujio mpya wa bendi hiyo.

Akiongea na mtandao huu wa taarabuzetu.blogspot.com kwa njia ya simu Bw Majaliwa amesema pamoja na ukimya wa muda mrefu lakini bendi yao ipo hai na wanatalajia kurejea jukwaani muda si murefu.
"Baada ya kukaa kwa muda mrefu tukiwa kimya, sasa tupo katika maandalizi makubwa ya ushindani katika tasnia hii ya muziki, tunakuja kuonesha kuwa sisi ni nani katika burudani, hii yote itakuwa baada ya mfungo wa Ramadhani".

Bendi ya Them Mushrooms kutua Dar es Salaam!!!!

Wasanii wa Them Mushrooms

Kuna tetesi zinazodai kuwa bendi ya Them Mushrooms ya jijini Nairobi inatalajiwa kutua jijini Dar kushiliki kwenye tamasha la COAST NITE linalotalajiwa kufanyika kwa mara ya kwanza hapa Tanzania mwezi wa nane.

Tamasha hilo ufanyika mara mbili kila mwaka jijini Nairobi kwa kuzishilikisha bendi za taarab toka hapa nchini Tanzani.

Bendi zilizo wahi kushiriki kwenye tamasha hilo ni New Zanzibar star, The East African Melody, TOT taarab, Mashauzi na Dar Modern.
Kwa mwaka huu jijini Nairobi tamasha hilo litafanyika ijumaa ya tar 6 mwezi wa kumi (06/10/2015) na moja na bendi itakayo kwenda itajulikana mwezi ujao wa saba.

Coast Nite ni tamasha lililo sajiliwa Nairobi na sasa tunalisajili Tanzania hivyo litakua linafanyika Nairobi na Dar kila mwaka Lengo letu ni ifikapo 2017 iwepo Afika Mashariki nzima Kenya, Tanzania, Rwanda, Burundi na Uganda kwani kote huko mazungumzo yanaendelea vizuri. Mmoja wa waandaaji wa Tamasha hilo aliimegea Blog hii ya Taarabuzetu.blogspot.com 

Je!, Waijua Bendi ya Them Mushrooms ya Nchini Kenya....?????

Them Mashurooms,
Bend ya nchini Kenya ni moja ya bend maalufu afrika mashariki iliyo dumu kwa zaidi ya miaka 40 na imejipatia umaalufu mkubwa barani ulaya kwa ushiliki wao katika maonyesho mbali mbali barani humo.

Pamoja na kua na umri mkubwa lakini bendi hiyo bado ipo imara kama chuma cha reli.
Bendi zilizo wahi kushiliki tamasha la "Coast nite" mjini nairobi toka Tanzania ni New Zanzibar star, Melody, TOT Taarab, Mashauzi na Dar modern.

Baadhi ya picha wakiwa kwenye matamasha hizi hapa:-

Kwa habari zaidi juu ya Them Mushrooms Band utaendelea kuzipata hapa...

Karibu sana.

Mfalme Mzee Yusuph kutangaza nia kuwania ...

Mfalme wa Taarab Mzee Yusuph, Mkurugenzi wa Jahazi

Mkurugenzi wa Jahazi Modern Taarab Mfalme wa Taarab Mzee Yusuph siku ya Jumamosi ya tarehe 13/06/ 2015 katika onesho lake pale Travertine Magomeni atatangaza nia.

Mzee yusuph ambaye ni Muimbaji na Mpiga kinanda mahili ameidokezi blog hii ya Taarabuzetu.blogspot.com kuwa, siku hiyo atatangaza nia yake ya kugombea ..... katika kinyang'anyilo kinachokuja. Mmeamua kujitosa kwa kuona kuwa anafaa ila kaahidi kuzungumza mengi zaidi mbele ya mashabiki.

Usikose siku hiyo kumsapoti Mfalme Mzee Yusuph...

UZINDUZI WA #OGOPA KOPA'Z WASOGEZWA MBELE"...

Malkia Khadija omary kopa

ULE uzinduzi wa kundi jipya la mipasho Tanzania, #Ogopa kopa'z uliyokuwa ufanyike Juni 13 mwaka huu 2015, ndani ya #Escape One, jijini Dar es salaam, umesogezwa mbele ili kuupisha mwezi mtukufu wa #Ramadhan.

Mkurugenzi wa kundi hilo, Malkia Khadija omary kopa alisema jijini Dar es salaam jana akiueleza mtandao huu wa taarabuzetu.blogspot.com kuwa, Uongozi wa juu ndani ya kundi lake ulifikiria makubaliano ya kuusogeza mbele uzinduzi huo:-
"Tunaomba radhi mashabiki wetu na tunaahidi kutangaza tarehe nyingine ya uzinduzi hata kabla ya kumalizika kwa mwezi wa Ramadhan, tumeona ni busara kutoa fursa kwa mashabiki wetu ambao ni Waislam ili kujiandaa na swaumu," alisema malkia au '#Mama #mukubwa'.

"Tarehe rasmi itatangazwa ili wapenzi na mashabiki wote washuhudie Uzinduzi huu wa aina yake ambao naamini haujawahi tokea katika ulimwengu huu wa mipasho". Aliongeza Malkia wa Mipasho.

Huyo ndo Malkia mwenyewe kasema, sisi yetu macho na Masikio...!!!

Baadhi ya Wasanii Nyota wa Ogopa Kopa's

MSIBA:- Mama mlezi wa Dar Modern Taarab afiwa...!!!

Mama mlezi wa Dar Modern Taarab Mrs Nahiy.A Fereshi amefiwa na baba yake mzazi al maarufu mzee kidole jana katika hosipitali ya Hindu mandal.
Marehemu anatalajiwa kuzikwa Matombo Morogoro kesho jumamosi.

King's Modern Taarab yakamilisha nyimbo Tatu kali...!!!!

King's modern taarab baada ya kusimama kwa muda mrefu hivi sasa imekamilisha nyimbo tatu kali na inatalajia kuanza kuzifanyia video wiki hii ambayo inaelekea mwishoni mwa mwezi wa tano.

Akiongea na mtandao huu wa taarabuzetu.blogspot.com mkurugenzi wa bendi hiyo Bw. Nassoro a.k.a Kijoka amesema kwa hivi sasa wako kwenye mazoezi ya nguvu wakijipanga kuwapa wapenzi na mashabiki wao radha ile ile ya King's muda si mrefu.

Kaa mkao wa kiburudani zaidi kusubiria Nyimbo pamoja na Video nzuri kabisa kutoka bendi yako ya King,s, baada ya nyimbo kutoka ni mfurulizo tu wa burudani…!!!

Modern Taarab nani zaidi 2015 yaja...!!!

Aliebuni mpambano wa Modern Taarab nani zaidi 2007 Bw Emmanuel Kalugira aeleza nia yake ya kuurejesha tena mwaka huu baada ya mpambano huo kupolwa na times fm mwaka 2009 baada ya kuupeleka times fm mwaka 2008.

Bw Emmanuel ameuambia mtandao huu wa taarabuzetu.blogspot.com kuwa, baada ya kituo alichofanya nacho mwaka 2007 cha C2C tv kubadilisha uongozi wake na ungozi ulioingia kutokua na upenzi na jambo hilo ilio mpelekea kuwasiliana na kituo cha time fm kuwaomba washilikiane kulifanya mwaka 2008.

Baada ya hapo uongozi wa times fm ukatoa kauli zinazosema uongozi haukotayali kushilikiana na mtu katika jambo hilo ndio likazaliwa tamasha la “Mitikisiko ya Pwani”.

Jitokezeni kwenye maonyesho ya 5stars - Ally J...

Mkurugenzi wa 5Stars Ally J akiwa anawajibika jukwaani.

Mkurugnzi wa five star modern taarab Bw Ally Juma maarufu Ally J amewataka wapenzi, mashabiki na wadau wa taarab kujitokeza kuiunga mkono bendi hiyo. 

Akiongea na Taarabuzetu.blogspot.com Bw Ally J amesema pamoja na misukosuko ilioikuta bendi hiyo  lakini ameamua kusimama kidete kuhakikisha bendi hiyo inasimama imara ili kulinda ajira za wasanii wake wanaojipatia vipato vyao kutokana na vipaji vyao. 

Ally J amewataka wapenzi wa taarab kujitokeza kwa wingi kwenye maonyesho yao na kuyaomba makampuni, mashirika na taasisi kujitokeza kudhamini maonyesho yao pamoja na bendi ili kunusulu ajira za wasanii wa bendi hiyo.