DOWNLOAD NYIMBO YA KINGS - Anayenisema Ajitazame ...

G5 Modern ilivyopagawisha Flamingo Magomeni!! Pata picha za Wasanii...!!!

Anaitwa Bi. Mwanahawa Ally.

Ashura-Machupa

Ni kundi maalufu la miondoko ya taarab Tanzania, limesheheni waimbaji na wasanii kibao nyota katika miondoko hii ya mwambao!

Taarabuzetu.blogspot.com inaongea na Mkurugenzi wa kundi hili la G5 na kuongelea show yake ya Jumanne wiki hii pale Flamingo Bar Magomeni na kusema kuwa anashukuru sana kwa mashabiki kuwapokea vizuri maana bendi yake imekubalika kuliko karibu bendi zote zinazopiga pale.

G5 wanafanya show Flamingo Bar Magomeni Mwembechai kila siku ya Jamanne.

Pia Ratiba ya G5 iko hivi:-

-Siku ya Ijumaa sikukuu ya nanenane 8/8/2014 watakuwa Kalembo Bar Buguruni kwa kiingilio cha Tshs 5000/=tu
-Siku ya Jumamosi 9/8/2014 watakuwa Sisi Club maeneo ya Msasani kwa kiingilio cha Tshs 5000/=tu.

Wafuatao ni baadhi ya wasanii waliopagawisha pale Flamingo Bar Magomeni Mwembechai... Usikose kuwaone kila Jumanne...!!!

Dullah Kinanda.

Jumanne Ulaya.

Mwamvita-Shaibu

Omary Kisira

Sharifa Kimobitel

Zena

CHAMA CHA TAAARABU MBIONI KUFUFUKA...!!! Soma zaidi ndani ...

Mr Amin Salmin, Mkurugenzi wa T Motto

Ni Amin Salmin Mkurugenzi wa T Moto Modern Taarab alianzisha mada baada ya kuhudhulia Kongamano la wasanii katika television ya ITV.

Salmin alisema:- Nimepatwa na mshangao sana ktk kipindi cha malumbano ya hoja kilichorushwa live na ITV mada ilikua nini kifanyike kulinda hati miliki na kazi za wasanii kwa waharamia pamoja na midia kupiga nyimbo bila kumlipa msanii. Hakuna msanii wa taarab wala viongozi walijitokeza zaidi yangu mimi!!, kweli wahusika wa taarab tutafika? wasanii wa bongo movi walijitokeaza kwa wingi, kweli tunajitabua?

Baada ya Amin kutoa mada hii katika mtandao wa Facebook watu wengi walichangia wakisema wasanii wa taarab hawakuwa na taari ya tukio hilo hivyo kungekuwa na taarifa wangeweza kujitokeza na kutoa maoni yao.

Pia wengine walifunguka ki-vingine kwa kusema wasanii wa taarabu wamelala sana hawana habari ya kufuatilia haki zao na wala hawajua haki zao na pia hawana umoja wanajisikia sana...!!

Mr Hamis Slim, Mkurugenzi wa G5 Modern Taarab

Bi Siza Mazongela (Kulia) akiwa na Mkurugenzi wa Sanaa na Masoko BASATA.

Amin aliendelea kwa kusema:- Inaeleweka wazi kipindi cha malumbano ya hoja hutangazwa wiki moja kabla ya kipindi husika,ila mada ilikua ina umuhimu sana kwani watu wa TRA,Basata,Kosota nk wote walikuwepo ila bado hatuja chelewa itv wao wamechokoza mada bali sisi tunaweza kujipanga tukafanya muendelezo kuna ya muhimu sana kwa faida ya wasani na sanaa kwa ujumla wake pia nadhani tungekua na umoja wetu nadhani ingekua kiunganishi kwetu kwani bongo movi Stive Nyerere ndie alietumika kuwapa taarifa wenzake bado nasisitiza umoja wa taarab unahitajika vyenginevyo tutakua tunatumia nguvu kubwa na maingizo kidogo.
Kuna kitu kinaitwa mrabaha maana yake ni mrejesho baada ya mauzo ya kazi za jasho la msanii kupitia TRA, tujiulize nani kati yetu kapata malipo hayo? kuna mengi ya msingi kwa wasanii na taifa.

Mr Ramadhani Said alisema :-
Amin niamini kwenu itakuwa ngumu mnajisikia sana umoja kwenu ngumu. Sisi tunaona wasanii wengine wanavyoshirikiana tofauti na nyinyi sisi wadau tunaomba sana kuweni na umoja wa kweli.

Mdau Siza Mazongela akasema:-
Alisemalo Ramadhani Saidi namuunga mkono kwani chama cha taarabu kipo tangu enzi za kina marehem Abasi Mzee, kina Mzee Kibiriti, kina Mzee Mdigo, marehem Khamisi Joji, Bi Daima Abdallah, hao walikua na bend kama ifuatavyo:-
Egyptian, new Extra, Alwatan.
Hizo zote zilikuwa bend za taarabu chama kinaitwa TTA, (TANZANIA TAARABU ASSOCIATION), kimesajiliwa na kinatambulika, wasaanii wakiitwa kwenye vikao hawafiki, kwasasa Mwenyekiti alikua marehem Abrahmani Muchacho katibu nilikua mimi, naomba Amin Salmin upange siku mimi na wewe twende BASATA tukatafute faili letu nikukabidhi ili tufanye utaratibu wa kuwaita kwenye kikao tufufue chama chetu, je upo tayari?
Sasa ilifikia kuwa Jumatatu ya tarehe 3/08/2014 wawe washafuatilia BASATA.

Mzee Yussuf naye alichangia:- Niko pamoja na nyote ishallah utasimama umoja wetu ila katiba ndio muhimu pia iwe ya kisawa sawa kanuni zisimame vizuri hiyo jtatu niambieni saa ngapi na mie ntakuwa basata.

Matumaini yaliendelea ya uwezekano wa kufanikiwa wa kupata umoja.

Hamis Slim naye kafunguka:- Mimi nawapongeza wote waliochangia na ktk kuongozea nipo tayari na shangazi yangu hapo Siza Mazongela kumsaidia hiyo jumatatu ili kuweza kufanikisha hilo pamoja na Mr Amin Salmin naomba kuwasilisha.
I know kaka mm binafsi nilikuwa napata tabu ktk hili coz hakuna kitu chcht kilicho na mafanikio paipokuwa na utaratibu unaoeleweka kiongozi dini zinaongozwa na misahafu na biblia basi hata inchi inaongozwa na katiba sambamba na chama chcht kile dunia vinaongozwa na katibu kwann sisi nina imani ya dhati inawezekana inshallah wakati sasa umefika na tumalize nguvu zetu ktk hili kwa faida ya wasanii wa vizazi vijavyo wasje wakaichukia tasnia hii tuliyoachia mm mkurugenzi na wasanii wangu wote wa G5 modern taarab tupo tayari kwa hali na mali naomba kuwasilisha.

Bi Siza Mazongela alikuwa serius zaidi kwa kuonesha machungu aliyokuwa nayo kwa kwenda BASATA siku hiyohiyo hakusubiri tena Jumatatu, alienda na kutuletea taarifa hizi:-
"Nimejaaliwa kwenda basata nimekutana na Mkurugenzi wa saana na masoko, jumatatu watakuwa na kikao cha kiofisi tumekubaliana twende Alhamisi, haya kazi kwako mjukuu wangu amini Amin Salmin, nawale wote walio tayari kwa hili, na nimewaomba watutafutie fail la TTA, ndugu yangu Mzee Yusuf, kwenye faili katibaimo saana kuipitia na kuiboresha, naomba wadau mtuombee mungu atupe wepesi wa kufatilia hili swala".
Safari ya kufanikisha na juhudi zinaonekana, siku ya Alhamisi tarehe 7/08/2014 ndo siku tutakayopata jibu sahihi.

Taarabuzetu.blogspot.com inawatakieni mafanikio mema tupate viongozi wa kuweza kutupa muongozo tuweze kusonga mbele na kufuatilia haki za wasanii.

DOWNLOAD: Nyimbo zingine mbili za Dar Modern Mpyaa - Hujawahi kuzisikia ...!!!

FIVE STAR KUFANYA SHOW YA NGUVU NANE NANE...!!

Taarabuzetu.blogspot.com imezungumza na kiongozi wa kundi la Fivestar Mr Ally J ambaye ni Muimbaji na mpiga kinanda mahili wa kundi hilo, amesema siku ya Nanenane watapiga show ya nguvu MSATA katika ukumbi wa Msukuma Pub.

Ally J amesema show hiyo itakuwa maalumu kwa wakazi wa maeneo hayo hivyo wasikose kwani hii itakuwa ni kwa ajili yao pamoja na surprise kibao zitakuwepo siku hiyo.

Kundi zima litakuwepo pale, kundi lililosheheni mastaa kibao...!!!

Ally J.

Zenna Mohamed, Mwamvita Shaib, Maryam BSS, Mussa Kijoti, Said Yusuf, Shaban Almas na wasanii wengine kibao watakuwepo kutoa burudani.

USIKOSE...!!!

Mashauzi Classic ilivyofanya makamuzi Mwanza...!!!

Kundi la Mashauzi wakiwa ndo wametua Mwanza kwa show za Eid!!!

Isha Mashauzi akiwa jukwaani pamoja na tajiri mtoto wa Mwanza Mr. Hamis Muya katika ukumbi wa Buzuruga Plaza.

Hashim Said akiimba Jukwaani...

Umati wa watu uliojaa Ukumbi wa Buzuruga Plaza wakipata burudani toka kwa MashauziClassic Eid Mosi!!!!

Kundi zima la Mashauzi Classic baada ya kukonga nyoyo za mashabiki wa Mwanza, sasa wataelekea jijini Bukoba kufanya makamuzi ndani ya ukumbi wa Liners Club Siku ya Eid Pili!!!

Baada ya Bukoba Eid Tatu watakuwa Jijini Musoma ndani ya ukumbi wa Magereza.

Mjiandae kupata burudani nzuri kabisa kutoka katika kundi bora kabisa - Mashauzi Classic...!!!!

DOWNLOAD: "Full Kuenjoy", yake Black Kopa mtoto wa Malkia Khadija Kopa...

Black Kopa na Khadija Kopa (Mama).

Ujio wa Black Kopa mtoto wa Khadija Kopa, ni Sheedah...!!!!

Anakwenda kwa jina la Muhammed Kibwana au Black Kopa pia unaweza kumuita Prince Kopa, mtoto wa Malkia wa mipasha Tanzania Bi Khadija Kopa.

Ni msanii wa Muziki toka muda mrefu kama ilivyo kwa Mama yake, marehemu kaka yake (Omary Kopa) "Apumzike kwa amani", pamoja na ndugu zake wengine wamekuwa na kipaji cha kuimba karibu familia nzima.

Black Kopa yeye anasema ameanza kuimba siku nyingi akiwa amejikita sana katika mziki wa Bongo flaver na ameweza kutoa nyimbo kadhaa, lakini kadri siku zinavyozidi kwenda, marafiki na familia yake pia wakawa wanamshauri ni kwanini asiimbe taarab wakati sauti nzuri ya kuimba anayo!?.

Hatimae kijana kaamua kujitoa mazima mwaka 2014 na kuachia nyimbo yake inayokwenda kwa jina la "Full kuenjoy".

Black Kopa akihojiwa na Blog hii ya taarabuzetu.blogspot.com

Anasema nyimbo hii inapatikana katika albam ya Ogopa Kopa's Classic Band" ambayo ni bendi changa na ni mpya kabisa inakuja hivi karibuni. Albam itaitwa "Lady with Confidence".

Katika nyimbo hii ameshirikiana na watu takribani wanane, wanne wapiga vyombo na wanne waitikiaji.

Waitikiaji ni:- 1). Warda Mlawa, 2). Shadya Shombeshombe 3). Rukia Manala na 4). Hemed Omary.

Wapiga vyombo ni:- 1). Omary Zungu au Omary Kinanda (Keyboard) 2). Harifa (Keyboard 2), 3). Miraji (Soro Gitaa), 4). Said James au Said Bass (Bass Gitaa).

Black Kopa anakuja kwa kasi anasema mashabiki wajiandae kupata radha mpya kabisa toka kwake na atafanyia remix pia nyimbo za kaka yake Omary Kopa kwa kuziimba.

Mashabiki anaomba saana sapoti yenu.

DOWNLOAD NYIMBO 4 MPYAA BADO ZA MOTO KABISA: DAR MODERN...

Kundi zima la Dar Modern Taarab limeachia Albam yake mpya kabisa inayokwenda kwa jina la "UBINAADAM KAZI", Pata kudownload na kusikiliza nyimbo tamu kabisa toka kwao.

Uzinduzi wa Albam hii "UBINAADAM KAZI" utafanyika siku ya Idd Mosi pale Travertine Magomeni.



Pakua hizo nyimbo usikiliza utamu uliopo kisha nakuletea tena nyimbo zingine mbili kali...!!!

DAR MODERN NDO HABARI YA MJINI...!!!

MASHAUZI CLASSIC YAPIGA HODI MWANZA SIKU YA IDD MOSI...!!!

Kundi la Taarab linalofanya vyema katika show zake mbalimbali "Mashauzi Classic" chini ya uongozi wake Isha Mashauzi, siku ya Idd Mosi watafanya show ya Uzinduzi wa Albam yao mpya ya "Asiyekujua hakuthamini!!!

Watakuwa katika ukumbi wa "BUZURUGA PLAZA" na kiingilio kitakuwa Tshs. 10,000/= tu kuanzia saa 3 Usiku mpaka baaaasi!!!

Kutakuwa na wasanii machachari wenye sauti za kuvutia kama Isha Mashauzi (Mkurugenzi), Hashim Said,  Thania Msomali, Saida Ramadhani, Zubeidah Andunje na wengine walio katika Mashauzi Classic.

SI YA KUKOSA MWANZA...!!!!!!

USIKOSE!:- NI UZINDUZI WA ALBUM MPYA YA DAR MODERN TAARAB...

Kundi zima la Dar Modern Taarab lenye maskani yake pale Magomen lililosheheni wasanii wakali na wenye vipaji vya hali ya juu, watashusha burudani ya uhakika pale Travertine Magomeni siku ya Idd Mosi ikiwa ni UZINDUZI wa Albamu yao mpya kabisa iliyopewa jina la "UBINAADAM KAZI".

Kutakuwa na wasanii waalikwa kama kawaida na Surprise kibao...!!

USIKOSE!!!

Mashauzi Classic: Mmoja aachishwa kazi na mwingine asimamishwa...

Mkurugenzi wa Mashauzi Classic - Isha Mashauzi.

Kundi la Taarab Mashauzi Classic chini yake Isha Mashauzi linalofanya shughuli zako jijini Dar es Salaam, Tanzani na Show zake kila Alhamisi hufanyika Mango Garden imewasimamisha kazi wasanii wake wawili.

Taarifa zilizofika katika meza yetu ya Taarabuzetu.blogspot.com zinasema wasanii hao wamesimamishwa toka Ijumaa ya tarehe 13/06/2014, waliosimamishwa ni Thania Msomali na Fatma Seif.

Fatma Seif katika kundi hilo la Mashauzi amewahi kuimba nyimbo iitwayo “Mdomo wako utakuponza” katika albam ya “Si bure unamapunngufu”.

Habari zilizotufikia kwa upande wa Fatma kisa cha kusimamishwa ni kutohudhuria show ya Mashauzi siku hiyo na kudaiwa kuonekana katika bendi ya Gusagusa Min iliyokuwa na Show pia siku hiyo.

Mwandishi wa habari hii baada ya kupata habari hizi alimpigia simu Fatma mwenyewe aweze kueleza kisa hasa cha yeye kusimamishwa kazi.

Fatma:- “Mimi siku hiyo sikwenda kazini kwasababu nilikuwa naumwa, kiongozi wangu alinipigia simu kuniambia nihudhulie kwenye show nikamwambia siwezi kwasababu naumwa, akaniacha siku ya pili yake akanipigia simu tena kuniulizia hali yangu nikamwambia bado nipo nyimbani tu, lakini cha kushangaza akanitumia ujumbe kuwa kunisimamishwa kazi miezi mitatu (3), kesho yake akanitumia ujumbe tena wa kuwa Nimeachishwa kabisa kazi hivyo niko huru kutafuta bendi yoyote, kwakweli imeniuma sana maana sijui kama ndo hili tatizo la mimi kuugua.

Alipoulizwa Fatma amechukua uamuzi gani?

"Sijachukua uamuzi wowote na hivi sasa nipo tu nyumbani bado akili yangu haijatulia hivyo sijajua kitu cha kufanya, acha kwanza nitulie".

KWA UPANDE WA THANIA MSOMALI:

Baada ya kuhojiwa na mwandishi wa habari hii alisema:

Thania:- “Mimi nilikuwa naumwa na nilitoa taarifa kwa uongozi, nimeenda Hospitali kufanyiwa uchunguzi nikaonekana (Akataja ugonjwa) hivyo nikaandikiwa dawa ambazo niliendelea kuzitumia, baada ya kama week mbili nikawa najisikia vizuri na nikaamua kwenda kuripoti kazini lakini cha kushangaza kidogo nikaambiwa niendelee kupumzika kwanza mpaka nipone ndo niende, nimekaa nyumbani tena baada ya siku kadhaa Mashauzi walikuwa wanapiga Mango nikaomba tena nihudhulie kazini ila nikaambia nisubiri tu ila nikaomba basi niende kuangalia show nikaruhusiwa ila sikuimba.

Sasa kinachoniweka njia panda ni kuwa, hali yangu ni nzuri nimeimarika ki-afya na ninahamu ya kuimba ila nikiuelezea uongozi wangu kuwa nataka kuripoti kazini wanasema nisubiri tu sasa nitasubiri hadi lini!? Kwa kweli sijajua muafaka upo wapi na hatma yangu sijajua maana naendelea kusubiri tu na wala sijaelezwa kitu”.

Thania Msomali.

 Blog hii iliongea pia na Kiongozi wa wasanii katika kundi la Mashauzi Mr Hashim Said na kusema:-

"Fatma tulimuondoa ktk bend kwa utovu wa nidhamu, alitega kuja kazini kwa kisingizio cha kuumwa.

Yote hayo yametokana na siku hiyo ilikuwa ni alhamisi na bendi tuliigawa mara mbili baadhi walikwenda Mwanza kikazi na baadhi wakabaki Dsm kikazi waliokwenda mwanza waliambatana na Mkurugenzi waliobaki Dsm walibaki na mimi pale Mango Garden kikazi akiwemo Fatma! 

Lakini cha kushangaza Fatma alinitumia ujumbe muda wa saa moja usiku akidai anaumwa! Nikamuuliza huu ugonjwa umeanza saa hizi kwa kuwa ni muda wa kuja kazini? nikamwambia lazima aje kazini sababu waimbaji waliokuwapo ni wachache. 

Kinachoonekana ni kuwa Fatma alimaindi suala la yeye kubakishwa Dsm! La kushangaza zaidi kazini hakuja na akaonekana huko Mbagala akiwa na bendi hizi za mitaan akiimba hapo ndipo nilipomsimamisha kazi, kibaya zaid alishindwa kuomba msamaha Uongozi ukaamua kumuondoa katika bendi sababu hatuwezi kuwa na msanii asiekuwa na uzalendo na bendi yke! 

Thania nae tumemsimamisha kutokana na kiwango chake kila kukicha kinashuka na tumempa nafasi ya kufanya mazoezi zaidi ili akiwa vizuri basi atarudi kazini ".

Hiyo ndo habari kamili, kilichotokea hapo kimeongelewa ni Utoro/Utegaji na nidhamu ya kazi, wasanii kutokuwa na uzalendo na Bend zao.

UJUMBE MZITO WA HAMMER Q KWENDA KWA #LIL GETTO WA AKHENATON RECORD...

Hammer Q

 Nimepata data zako bob

Lakini Na amini kuwa MUNGU pekee ndie ana mamlaka ya kuamua lolote juu yangu na sio wewe Nitakupenda km binaadam mwenzangu hata km nimestuka kuna mabaya unayonitendea naamini hujui ulitendalo...!

Nitaendelea kuishi kwa uhalisia wa maisha yangu na ilivyoumbwa roho yangu sitakulipiza baya lako kwa baya langu sababu Mimi kwa sasa nimekua sio mtu wa visasi na roho yangu ni nyeupe kabisa sitakutendea baya bali nitakuombea kwa mungu akubadilishe kutoka roho mbaya uliyonayo na akuongoze ktk njia sahihi

Jifundishe kuTii haja za moyo wako si maneno ya watu...! Kawaida Yangu huridhika na nilichonacho kwa kuamini ndicho MUNGU alichonipa na kuna siku nitapata zaidi...! Na unavyonidharau nitazid kukuheshim na kujituma maana unanipa uchungu wa kutafuta mafanikio...!

Huwa na Amini na mimi ni muhimu ktk jamii ndio mana nimeumbwa...! nakushangaa sana unavokua mtu wa kujaribu kuniharibia rizki zangu kana kwamba umeziumba ww Nasijui ingekuaje kama ungepewa funguo ya rizki

We Fanya unavofanya niharibie unavoniharibia mimi namuachia Mungu kisha Nikutakie ramadhan NJEMA Na mungu akutilie wepes ktk kubadilika .ningekusema pembeni ningemkosea mungu lkn nimekuchana kweupe kuridhisha roho yang.

Bob (Lil Ghetto).

Blog hii ilimpigia simu Hammer Q ili kujua ni nini kilichopelekea yeye kuandika ujumbe mzito namna hii kwenda kwa Bob (Lil Ghetto)

"Unajua huyu jamaa ni mbinafsi sana, mimi baada ya kujiunga nae sikujua kitu lakini nimekuja kuona mambo yake sio kabisa ndo nikaona bora nijitoe tu nifanye mambo yangu mimi kama mimi, lakini hata baada ya kutoka amekuwa akinifuatilia sana, hapa juzi tu tena kanifanyia fitna katika jitahada zangu za kujitafutia ndo nikaamua kuandika ujumbe huu na ninaamini utakuwa umemfikia. Sijaandika kwa siri nimeandika kweupe nikiwa na uhakika wa ujumbe kumfikia mlengwa!". 

Katika kundi la Offsidetrike liliokuwa likiongozwa naye Lil Ghetto na Hammer Q kwasasa yupo Lil Ghetto mwenyewe (Pekee).