HASSAN VOCHA MGUU NDANI MGUU NJE G5 MODERN TAARABU...

Hassan Vocha.

Lile sakata la muimbaji wa bendi ya G5 Modern Taarabu Hassan Vocha kutaka kuelekea katika bendi ya Kings sasa limeingia katika sura mpya. 

Jana Jumatano katika ukumbi wa MAX HALL Ilala ilipokuwa inapiga bendi ya Supershine alikutwa Hassan Vocha na kiongozi mmoja wa Kings jina kapuni wakiwa ndani ya gari aina ya RAV 4 wakizungumza kwa usiri mkubwa sana. 

Mwandishi wa habari hizi alipowasogelea na kuwasalimu Hassan alimuomba asiripoti habari hii sababu bado hawajakubaliana na mnene huyo! na pia juzi tu amemaliza shooting ya nyimbo yake mpya.

RATIBA YA G5 MODERN TAARABU NA USIKU WA TAARABU KIGAMBONI...

RATIBA NYINGINE KWA G5 IPO HIVI:-

Alhamisi 5/9/2013 tupo Maxi Hall Ilala 

Jumapili 8/9/2013 ukumbi wa nyumbani Equator Grill Mtoni.

Kuanzia Jumatano 11/9/2013 na kila Jumatano tutakuwa Club Kakala Kigamboni 

na 

Jumamosi 14/9/2013 na kila Jumamosi tutakuwa Freetime Resort Ukonga Banana.

ASILI YA TAARABU IMEPOTEA KABISA NCHINI..YAMEBAKI MADEBE TUPU!!... SITI BINTI SAAD AKUMBUKWA...

Siti na kikundi chake walipoenda Mumbai (Bombay), India kurekodi santuri kadhaa mwaka 1929.

Siti Binti Saad 1880-1950

Wakati Mohamedy Liasi anaimba kamwe huwezi kuchoka kumsikiliza, Siti Binti Saadi anapoimba kwa hisia chozi linaweza kukutoka na usijue limekutoka muda gani! hiyo ndio taarabu tuliyoizoea sisi alisikika mzee Kampira wa mwananyamala Dar es Salaam akilalama namna hiyo!. 


Mwandishi wa habari hizi alitaka kujua nini sababu haswa zilizopelekea yeye kuzungumza yote hayo?, akaendelea kusema ni juzi tu hapa niliamua kutoka na familia yangu kwenda hapo Travertine Magomeni kaitak Taarabu, basi nilichokutana nacho nilijilaumu kwanini nilikwenda yaani uchafu mtupuu!! si ile Taarabu niliyotegemea na niliyoizoea.

**********

Mwimbaji maarufu wa Tanzania, Malkia Original wa Mipasho, Siti Biti Saad afariki dunia mwaka 1950..

Siti alizaliwa katika kijiji cha Fumba huko Zanzibar. Jina aliyopewa na wazazi wake ilikuwa Mtumwa. Wazazi wake walikuwa watumwa kutoka Bara.

Aliishi maisha duni hadi alipohamia mjini Zanzibar na kuanza kupata umaarufu wa kuimba Taarab. Watu walimfurahia kwa vile alikuwa anaimba taarab kwa kiswahili lugha ambayo walikuwa wanatumia hasa ilikuwa kiaarabu.

Sultan alimwalika kuja kumwimbia. Baadaye alifanikiwa kwenda India na kikundi chake kurekodi santuri. Enzi zile zilikuwa zile 78's. Vijana wa siku hizi hawawezi kuzijua.

"NDONDO" NI TATIZO KUBWA KWA WASANII WA TAARABU NCHINI TANZANIA!...

 "NDONDO" ni msemo uliozoeleka hususani kwa wasanii wengi wa Taarabu waliopo katika mabendi mbalimbali hapa nchini. 

Hii ni khali ya msanii wa bendi moja kwenda kufanya kazi katika bendi nyingine kwa kificho pasipo viongozi wa bendi yake kujua. 

Tathimini iliyofanywa na mtandao wa taarabuzetu.blogspo.com umegundua kwamba karibia wasanii wa bendi zote wanafanya ndondo hata wale wanaojiita wapo katika bendi kubwa na zinazokubalika kama Jahazi, Mashauzi na hata Melody!, zipo bendi ambazo wameweka sheria ya kutomruhusu msanii wao yeyote kupanda katika jukwaa la bendi yoyote pasipo ruhusa ya uongozi. Mfano wa bendi hizo ni Gusagusa Min Bendi na Jahazi Modern Taarabu, msaani wa bendi hizi mbili akikutwa katika jukwaa la bendi nyingine anafanya kazi adhabu yake ni kusimamishwa bendi au kufukuzwa kabisa. 

Akilizungumzia tatizo hili meneja wa Bendi ya Supershine Modern Taarabu Mr Kais Mussa alisema kweli ni tatizo kubwa sababu wapenzi wamekuwa wakiyumbishwa wasijue msanii husika yupo katika bendi ipi, kwa upande wa pili wasanii wengi wa taarabu hawana mishahara wanategemea Gate correction tu! sasa inakuwa ngumu kumbana msanii wa hivi wakati ukijua wazi ana familia inamtegemea. ila ni tatizo.

Pia alisisitiza kwa upande wa bendi yake haruhusiwi msanii yoyote kwenda Kufanya Show, Kuimba au Kurekodi nyimbo katika bendi nyingine au binafsi, yote hayo lazima yapitie kwa uongozi na kuangalia kama inafaa kufanya hivyo, vinginevyo msanii hana ruksa hiyo na kila msanii analitambua hilo katika bendi yake.

Hapohapo na sisi mtandao wa Taarabu Tanzania hatuna budi kupitia hapahapa katika mada hii kuwaeleza viongozi wote wa Bendi kuwa, Wasanii wapewe MIKATABA ya kufanya kazi na walipwe vizuri ili waendeshe maisha yao vizuri kwa kutegemea Muziki, vinginevyo waachwe wajitafutie na pembeni kama wafanyavyo sasa.
Naamini mikataba itakuwa minono tuu...

THABIT ABDUL AMSAIDIA YOUNG HASSAN ALLY KATIKA "MR PENDWAPENDWA".

Hassan Ally na Thabit Abdul.

Mr Pendwapendwa ni wimbo mpya kabisa ambao kwa sasa upo jikoni ukiandaliwa vyema kwa wapenzi wa Young Hassan Ally na Kings kwa ujumla. 

Katika kuuandaa wimbo huo Thabit Abdul au jiko la jela ndio ambae ameteuliwa kupiga kinanda katika wimbo huo, mwanzoni kabisa ilipendekezwa kinanda kipapaswe na Omary Kisila au Ibra Kamongo lakini baadae turufu ilimwangukia Thabit Abdul baada ya Kamongo kuacha bendi ya Kings na kuhamia Mashauzi Classic, nae Kisila kwa sasa yupo bize katika studio yake akifanya kazi ya recording. 

Hassan Ally wadau wanaisubiri hiyo nyimbo kwa hamu kubwa...

SUPERSHINE MODERN TAARABU KUINGIA STUDIO JUMATATU..

Ally Mikidadi.

Bendi ya supershine modern Taarabu inatarajia kuingia studio siku ya jumatatu kurekodi nyimbo zao 2 ili kukamilisha albam mpya itakayokuwa na nyimbo zipatazo 5. 


 Akizungumza na mwandishi wa habari hizi, meneja wa bendi hiyo Kais Mussa Kais alizitaja nyimbo hizo zitakazorekodiwa jumatatu kuwa ni: 
1. "Usia wa baba" - Utaimbwa na Queen Salma na Ally Mikidadi
 2. "Wafadhiraka wa pundaka" - Utaimbwa na Bibie Nuru Moshi

Nuru Moshi.

Nyimbo hizo ambazo ni moto wa kuotea mbali zitakamilisha idadi ya nyimbo 5 mpya za supershine. na albam itabeba jina la "Huna style" wimbo alioimba Queen Salma!. 

Supershine ni bendi iliyokuja kivingine na kwa kasi zaidi chini ya Meneja wake Kais Mussa!.

G5 MODERN TAARABU WAANZA RASMI KUREKODI VIDEO YA ALBAM YAO MPYA...

Baadhi ya wasanii wa G5 Modern Taarabu.

 Mkurugenzi wa G5 Modern Taarabu Mr Hamis Slim ameuambia mtandao huu kuwa, wiki hii wameanza rasmi kufanya Video ya Albao yao mpya inayokwenda kwa jina la “Fahari ya Mwanamke”.

Mr Slim amesema katika Video ya Albam hii anataka avunje rekodi ya taarabu hapa nchini kwa kufanya video nzuri na iwe mfano kwa makundi mengine, video itafanyika kwa wiki mbili mfululizo ili kuhakikisha wanatoa kitu mashabiki wanataka.

Albam itakuwa na Nyimbo Nne (4):
1. DONT BREAK MY HEART - HASSAN VOCHA,
2. NYUMBA IMEPATA MWENYEWE - MWANAHAWA ALLY,
3. EPUKA MIFARAKANO - HADIJA KIMOBITEL NA
4. FAHARI YA MWANAMKE yake Malkia wa mipasho HADIJA KOPA.


Unaweza kushangaa ni kwanini katika Albam hii wapo Hadija Kopa na Kimobitel!? Mr Slim alisema: “Sisi kama G5 tumeamua kuwashirikisha kama wasanii wenzetu, hii tumejaribu kuwaonyesha njia wasanii wenzetu kuwa miziki ni kushirikiana na wala sio kubaguana na kuwekeana chuki kwasababu msanii kazi yake ni Kuburudisha na Kuelimisha jamii”.

Mkurugenzi Mr. Slim alimalizia kwa kusema:-
“WAKAZI WA KIGAMBONI KAEENI MKAO WA KULA JUMATANO YA 11/9/2013 (Wiki ijayo) NA KILA SIKU YA JUMATANO TUTAKUWA TUNATOA BURUDANI CLUB KAKALA KATIKA AFRICAN NIGHT, KARIBUNI SANA MJE KUPATA BURUDANI YA G5 MODERN TAARABU”.

BREAKING NEWS:~ MGENI KISODA AACHA KAZI JAHAZI MODERN TAARABU...

 Mgeni Kisoda ameacha kazi leo hii tarehe 2 Septemba 2013 katika bendi yake ya Jahazi.

Mpiga kinanda maarufu ambae amepiga kinanda katika wimbo mpya wa Mzee Yusuph uitwao "Wasiwasi wako ndio maradhi yako" ameiacha rasmi bendi hiyo na kusema atakuwa bize na shughuli zake kurekodi katika studio anayoimiliki ya "Mgunda recording" iliyopo Tandika. 

Akizungumza na mtandao makini wa taarabuzetu.blogspot.com mgeni alisema kwamba ameamua kuacha kazi baada ya kutengwa na bosi wake Mzee Yusuph kwa maneno ya kuambiwa kwamba eti alionekana pale Twanga Pepeta akipiga kinanda jambo ambalo amelikanusha. 

Sina tatizo na Mzee nimeamua kuacha kazi mwenyewe na kufanya shughuli zangu.

NA HIKI NDICHO ALICHOANDIKA KATIKA UKURASA WAKE WA FACEBOOK.

ZAINABU MACHUPA AJIUNGA NA G5 MODERN TAARABU..

-->

Ashura Machupa akiimba, kushoto nyuma (Nguo Nyeusi) ni Zainabu Machupa.

 Muimbaji wa kutegemewa wa Fungakazi Modern Taarabu, Zainabu Machupa amejiunga na bendi ya G5 Modern Taarabu. 

Akizungumza na mtandao wa taarabuzetu.blogspot.com msanii kiongozi wa bendi hiyo ambae hakupenda kutajwa jina lake amesema kwamba Zainabu ni msanii mzuri ndio maana tumeamua kumchukua. 

Zainabu Machupa alikuwa katika bendi ya Fungakazi Modern Taarabu na ameimba nyimbo 2. 

Mkurugenzi wa Fungakazi Kapteni Temba hakupatikana kuzungumzia suala hili.

WIMBO WA "NZI WA KIJANI" WA FUNGA KAZI MODERN TAARABU WAPOTEA KIMAAJABU STUDIO..

 Ni wimbo uliokuwa umerekodiwa tiyari cha ajabu hauonekani, umefutwa au ni nini hasa!?
 
Maswali mengi ambayo hayapati majibu kwa haraka na kutokuamini.
Inzi wa Kijani ni wimbo mpya kabisa toka katika bendi ya Fungakazi Modern Taarabu, pia ni wimbo unaosemekana kwamba ni dongo kwa superstar mmoja hapa mjini kwa mujibu wa mkurugenzi mwenyewe ambae ni Kapten Temba, lakini ajabu ni kwamba wimbo huo baada ya kurekodiwa tayari studio ulipotea katika mazingira ya kutatanisha jambo ambalo lilimshangaza Kapten Temba! 

Lakini katika kuonesha kwamba amedhamilia ujumbe ufike kwa jamii Kapten Temba ameihama studio hiyo na kwenda kurekodi tena wimbo huo huo katika studio nyingine iliyopo maeneo ya Temeke.

MWINJUMA MUUMIN KUREKODI WIMBO WA TAARABU NDANI YA G5 MODERN TAARABU...

Mwinjuma Muumini.

Unaweza kuona kama ni kiroja lakini yote hii ni sanaa! 

Katika kile kinachoonekana kama wasanii wa dansi wanajiingiza katika tasnia ya Taarabu, Mwinjuma muumini au Kocha wa Dunia, nae karibu atatoa wimbo mmoja ndani ya G5 Modern Taarabu ili kuwathibitishia mashabiki kwamba yeye ni msaani wa ukweli na wala hatishwi na waimbaji wa Taarabu waliomtangulia. 

Akilithibitisha hilo mkurugenzi wa bendi ya G5 Hamisi Slim alisema kwamba mpango huo alikuwa nao muda mrefu sana na kwa sasa mashabiki wa G5 wasubiri radha toka kwake.

KAMONGO AIHAMA KING'S MODERN TAARABU...

Ibrahimu Kamongo.

 Mpiga kinanda wa kutumainiwa wa bendi ya Kings Modern Taarabu Ibrahimu Kamongo ameihama bendi yake hiyo na kujiunga na bendi ya Mashauzi Classic. 

Akizungumza na mwandishi wa habari hizi Kiongozi mkuu wa wasanii katika bendi hiyo ya Mashauzi Classic alilithibitisha hilo na kusema kwamba Kamongo ni kama amerudi nyumbani tu! Kwani kabla hajakwenda huko Kings alikuwa ni msanii wa bendi yetu ya Mashauzi Classic. 

Kwa mara ya kwanza tangia kurejea katika bendi hiyo Kamongo alionekana akipiga kinanda katika show ya Mashauzi pale kwenye ukumbi wa Mango Garden Kinondoni Dar.

MGENI KISODA:- MIMI BADO NI MSANII WA JAHAZI MODERN TAARABU...

Mgeni Kisoda.

Mpiga kinanda wa Jahazi Modern Taarabu Mgeni Kisoda ameamua kuvunja ukimya na kusema kwamba yeye mpaka sasa bado ni msanii wa Jahazi Modern Taarabu na wala hajafukuzwa kama ambavyo taarifa zilizo zagaa Dar zinavyo vumishwa. 

Akizungumza na mtandao makini wa taarabuzetu.blogspot.com Mgeni alisema: "Unajua kuna watu waliniona mimi katika show ya Twanga Pepeta wakaenda kumwambia Bosi wangu Mzee Yusuph kwamba eti mimi nimechukuliwa na bendi hiyo kwa sababu wameniona kule,  jambo ambalo sio kweli, mimi nilienda Twanga nilimpeleka mpiga kinanda mmoja baada ya jamaa kuniambia kwamba wanataka mpiga kinanda, hivyo mimi napenda kusema kuwa mpaka sasa bado ni msanii wa Jahazi Modern Taarabu na wapenzi wote wa bendi yetu mkija mtanikuta pale. Karibuni sana Jahazi...".